Dýrari málsverður

Ég kom hingað til Forli á Ítalíu seinni partinn í gær. Verið er að stofna samstarfnet rannsóknarstofnana í Evrópufræðum sem nær til 66 háskóla og fræðasetra í yfir þrjátíu Evrópuríkjum. Evrópufræðasetrið á Bifröst er meðal þátttakenda. Í gærkvöldi snæddi ég ljómandi málsverð á heimilislegum veitingastað í þröngri hliðargötu og sparaði hvergi við mig. Ég sé nú á fréttum heima að máltíðin reynist töluvert dýrari en ég hélt þegar ég greiddi fyrir hana í gærkvöldi.