"sjálfstæði, frelsi fullveldi"

Gylfi Þ. Gíslason, mennta- og viðskiptamálaráðherra, leiddi umræðuna um EFTA á sínum tíma.  Stjórnarandstæðingar sökuðu Gylfa um að ætla að lauma Íslandi inn í Efnahagsbandalagið í gegnum EFTA. Gylfi hafði áður lýst því yfir að betra væri að hafa ein heildarsamtök Evrópuríkja á sviði efnahagssamvinnu og að Ísland ætti að vera þar innanborðs. Eigi að síður sagði hann í ræðu á Alþingi undir lok EFTA-umræðunnar að hann væri hreint ekki fylgjandi aðild að Efnahagsbandalaginu, meðal annars á forsendum sjálfstæðisins.

Því fer fjarri, að ég telji góð lífskjör vera einu verðmætin, sem keppa eigi að í lífinu. Það eru til mörg önnur verðmæti, sem eru meira virði: sjálfstæði, frelsi fullveldi. Ég vil ekki kaupa bætt lífskjör á kostnað þessara verðmæta. Þetta hafa auðvitað verið höfuðrökin fyrir því, að ég hef fyrir mitt leyti, og enginn í ríkisstj. hefur nokkurn tíma mælt með að við gengjum í Efnahagsbandalag Evrópu. Ég teldi það vera skerðingu á sjálfstæði að undirskrifa Rómarsáttmálan óbreyttan.

Gylfi Þ. Gíslason. Alþingistíðindi 1969. D. (90.lþ.) 2. Aðild Íslands að Fríverzlunarsamtökum Evrópu.